譚仔雲南米線 (安年大廈)

营业中

休息中

想食米线就黎左嘅间谭仔，用了白色墙身，木枱木凳，装饰有点潮味。一坐低，店员火速递上餐牌，哗哗哗，谭仔有西式早餐食！茄汁豆炒蛋配多士，咩料呀？哈，有趣，不过我估就算我想食西早，都唔会黎谭仔啰。叫左一碗过桥米线小酸辣，冻柠茶，同细土匪鸡翼。大大碗上，但米线同配料都比以前少左，酸辣汤底唔酸又唔辣，可以讲话无味。腩肉成块都系肥膏，薄切又无味，墨丸不再爽口已变得粉头，酸菜一味死酸，仲系化学味个种，炸酱超甜唔知搞乜。唯一无变嘅系柠茶，正常味。土匪鸡翼卖相好，但味道就…好重味精，又韧又老，食唔落口。明明同隔离枱分开落单，唔知点解都系出埋一条单，一班阿姐用乡音嘈起咬上黎，当我地班食客死嘅。我真系味食过咁难食嘅谭仔，呢间分店无下次了。