Le Souk (已結業)

Le Soul门面同内部装修都以橙色同蓝色作主调, 配上各式玻璃吊灯, 色彩丰富, 却又不会有强列色彩对比嘅刺激感, 给人一份不经意的悠然感。 前菜点咗Egyptian Mezze Platter, 呢个拼盘可以一次试尽多款前菜, 非常丰富。Hommos同两款茄子蓉口感细致, 我就最钟意其中一款带有浓浓蒜香嘅茄子蓉, 配烤饼食一流！春卷香酥可口, 入面充满浓厚芝士馅。 Seabass鱼块非常厚肉, 鱼肉肉质嫩滑程度令人喜出望外, 肉间油脂充沛, 口感极佳。 鲜红色酱汁充满红椒同香草味, 配粒粒分明北非小米(couscous), 就更加地道啦。呢度嘅couscous吸水后唔会变得软趴趴, 细细咀嚼每粒都富有弹性, 很有颗粒感。曾经试过自己喺屋企整couscous, 但总做唔出餐厅水准。好奇一问之下, 店主竟然毫不吝啬, 带我哋到厨房展示一盘粒粒饱满嘅couscous, 仲教我地喺小米吸水软化后要再蒸一蒸, 同时加入牛油, 令其粒粒分明同变得饱满。估唔到今日竟然有机会走进Le Soul嘅厨房, 感谢店主嘅热情, 呢一餐真系学到嘢呀！