影片
更多
2018-08-09
611 浏览
今日同啲同事去食晏，好难得向大家建议 #走饮管 大家都同意：我：冻柠茶 #走饮管吖唔该伙计：我哋做唔到架㖞我：我哋唔想要支饮管因为想环保啲伙计：唔得㖞，因为落单机冇走饮管呢个掣我：⋯⋯⋯⋯ 你可以同水吧讲嘛唔该？伙计：唔得㖞，我哋啲伙计见到系冻饮就会插饮管㗎啦大家一脸无奈⋯伙计：我帮你掹起佢啰全部人：吓，咁你咪又系掉左佢!?伙计：你哋唔好讲咁多，总之你落柯打啦伙计态度恶劣，为免大家被加料，我地都无再坚持，但系用做唔到呢一个理由唔走饮管都系第一次听。其实餐厅啲嘢系几好食，希望餐厅可以改善下，加番「走饮管」呢个掣啦，环境保护，人人有责！☺️☺️☺️☺️
我：冻柠茶 #走饮管吖唔该
伙计：我哋做唔到架㖞
我：我哋唔想要支饮管因为想环保啲
伙计：唔得㖞，因为落单机冇走饮管呢个掣
我：⋯⋯⋯⋯ 你可以同水吧讲嘛唔该？
伙计：唔得㖞，我哋啲伙计见到系冻饮就会插饮管㗎啦
大家一脸无奈⋯
伙计：我帮你掹起佢啰
全部人：吓，咁你咪又系掉左佢!?
伙计：你哋唔好讲咁多，总之你落柯打啦
伙计态度恶劣，为免大家被加料，我地都无再坚持，但系用做唔到呢一个理由唔走饮管都系第一次听。
其实餐厅啲嘢系几好食，希望餐厅可以改善下，加番「走饮管」呢个掣啦，环境保护，人人有责！☺️☺️☺️☺️
张贴