三木日本料理 (已結業)

误打误撞同朋友试左呢间三木放题。First impressive好似几唔错。食第一轮，唔洗等已经可以入坐。一开波紧系主打刺身，一间放题好唔好食，好取决于刺身既质素。刺身差不多全部点齐，三文鱼, 油甘鱼, 希灵鱼籽, 帆立贝, 极大甜虾, 螺片,北寄贝和鲍片等，刺身整体卖相吸引，有光泽，够新鲜。会推介帆立贝同极大甜虾，帆立贝好大粒，够清甜。极大甜虾好大只，鲜甜爽口。相反，三文鱼、油甘鱼、螺片个d只系一般货色，三文鱼、油甘鱼稍为薄切左，唔够肥美。鲍片同出面买到个d分别不大。到烧物，牛舌、海虾、秋刀鱼都不错。个人几中意个牛舌，不过朋友就觉得太咸了。海虾大只爽脆，秋刀鱼鲜甜入味。其他烧物不至于上品，算中规中矩，过得去。不过，败不之作真佢地炸物。。。粉浆甚厚，兼且太油。炸虾、蟹钳咬开好多面粉，茄子可能厚切左，未熟，硬左少少。不过，令我们最无奈既系，食到中途好似已经想赶我地走，差唔多提前4,5个字已经同我地讲lastorder，听到真都系呆左。急急脚叫多round啦，点知又missorder，吹佢时已经差不多够钟，急急脚食完卖单。讲真，呢个价位会揾其他选择，起码唔洗食得咁急。