影片
更多
2020-06-22
969 浏览
食完饭想揾个地方比bb静静瞓个晏觉，我见间嘢装修都几靓，又有好多位好阔落，咪谂住去坐下倾下计啰。门口个人同我讲完佢舖头啲规举，咁我就知点解佢咁多位咁少客啦。摆明搏执笠啦。大大个牌拦住门口叫人等带位，明明就得几条友我怀疑佢地落咗场 佢话㖞，每人最低销费80蚊，如果食甜品上菜时间系一个钟，唔收现金只收信用卡。咁我地都食咗饭，唯有嗌杯嘢饮嗌甜品，而且佢个menu根本都无咩好拣。好，都系贪你有位坐，等一个钟啰，一个梳乎厘班戟百几蚊，有咩咁巴闭呢？食咗识飞？成旧几水，明明都无客真系谂唔明仲要等成80分钟佢先肯登场，我食下系唔系咁好食啊，喂好普通咋㖞，卖相味道质感通通都唔觉得你有咩咁把炮啰。连啲配料都衰到得两pat cream两粒合桃咁，咩料啊。个焦糖酱都系几好味嘅。。。相对起旧pancake 系啊香港商场其实都好需要呢种餐厅架，喺门口赶走啲客，坐就焗你坐最少一个钟。加油啊，唔好咁快执笠
门口个人同我讲完佢舖头啲规举，咁我就知点解佢咁多位咁少客啦。摆明搏执笠啦。大大个牌拦住门口叫人等带位，明明就得几条友我怀疑佢地落咗场
佢话㖞，每人最低销费80蚊，如果食甜品上菜时间系一个钟，唔收现金只收信用卡。
咁我地都食咗饭，唯有嗌杯嘢饮嗌甜品，而且佢个menu根本都无咩好拣。好，都系贪你有位坐，等一个钟啰，一个梳乎厘班戟百几蚊，有咩咁巴闭呢？食咗识飞？
成旧几水，明明都无客真系谂唔明仲要等成80分钟佢先肯登场，我食下系唔系咁好食啊，喂好普通咋㖞，卖相味道质感通通都唔觉得你有咩咁把炮啰。连啲配料都衰到得两pat cream两粒合桃咁，咩料啊。个焦糖酱都系几好味嘅。。。相对起旧pancake
系啊香港商场其实都好需要呢种餐厅架，喺门口赶走啲客，坐就焗你坐最少一个钟。加油啊，唔好咁快执笠
张贴
