米亭 (已結業)

深水埗有好多又平又好食嘅餐厅，今晚就约个朋友过去食晚饭。行到福荣街比间以黄色为主调嘅米亭餐厅吸引到，灯光明亮，餐牌有几种套餐，有饭有面，价钱好抵又啱食，今晚一于就拣呢间食。入座后用环保餐单选择食物，交给店员落单。韭菜黑豚肉饺配上海面，饺子全部是自家包制，只只馅料饱满，用的猪肉是本地黑毛猪，特别有猪肉香甜味，馅料中的韭菜味颇浓。汤底有数款选择，今次就叫咗豆乳豚骨汤试吓，店员介绍话系用咗好多新鲜猪骨、猪肉、豆乳等熬煮10几个钟煲出嚟，饮落真系啖啖都系精华，鲜味十足。还送冻豆浆或用优惠价转其他饮品。金蛋煎肉饼饭：肉饼煎至金黄色，外面有香脆口感，肉质鲜嫩弹牙，加咗蟹子增加口感，金蛋边香脆，蛋黄流心，伴饭一流，白饭选用珍珠米，米颗粒饱满，色泽洁白，口感一流！金丝蜜椒鸡翼：即炸鸡翼热辣辣，外脆肉嫩，更有甜甜的蜜味！秘制脆汁猪扒：金黄色嘅猪扒炸得香脆，点埋沙律酱食更佳！