影片
更多
2023-07-17
446 浏览
近排返工好多嘢做，放工真系想慰劳下自己🥹谂起有时经过H Zentre，有间日本餐厅想食好耐，决定夜晚去试吓。特选和牛盛合(五款) $558————————————谂起和牛充满香气嘅油脂，已经流晒口水🤤非常感谢店员好有耐性咁讲解烧和牛嘅方法，避免错误地烧肉，浪费咗咁正嘅和牛啦系咪先🤤个人偏好由油脂较重嘅和牛烧起，最后食牛味比较重嘅和牛。首先烧1.和牛肩胛肉，肉质厚实却又软嫩，油花十分细致，脂肪颜色程乳白色，入口油脂非常丰富。其次烧2.肉眼芯，肥美肉嫩、入口溶化，同样油花细致。之后烧3.和牛西冷，肉质非常柔软细腻，脂肪分布细密，霜降程度十分明显。然后烧4.外侧后腿肉，腿当然系运动量比较高嘅部位，理应脂肪少，但依个和牛嘅外侧后腿肉，目测油脂都唔少，不过当然比前三款和牛少啲油脂，但口感更加扎实同有好香牛味。最后烧5.牛冧，虽然脂肪含量比以上嘅部位少，但肌理幼细同柔软，可以享受满满牛肉香味。季节刺身盛合(五款) $598————————————由白身到赤身刺身都有，款款都好新鲜又厚身，非常满足。个人最喜欢深海池鱼，油脂厚，入口质感爽脆，淡淡鲜甜，厚切发挥出层次感，正。和牛煲仔饭 $298————
特选和牛盛合(五款) $558
————————————
谂起和牛充满香气嘅油脂，已经流晒口水🤤非常感谢店员好有耐性咁讲解烧和牛嘅方法，避免错误地烧肉，浪费咗咁正嘅和牛啦系咪先🤤
个人偏好由油脂较重嘅和牛烧起，最后食牛味比较重嘅和牛。
首先烧1.和牛肩胛肉，肉质厚实却又软嫩，油花十分细致，脂肪颜色程乳白色，入口油脂非常丰富。
其次烧2.肉眼芯，肥美肉嫩、入口溶化，同样油花细致。
之后烧3.和牛西冷，肉质非常柔软细腻，脂肪分布细密，霜降程度十分明显。
然后烧4.外侧后腿肉，腿当然系运动量比较高嘅部位，理应脂肪少，但依个和牛嘅外侧后腿肉，目测油脂都唔少，不过当然比前三款和牛少啲油脂，但口感更加扎实同有好香牛味。
最后烧5.牛冧，虽然脂肪含量比以上嘅部位少，但肌理幼细同柔软，可以享受满满牛肉香味。季节刺身盛合(五款) $598
————————————
由白身到赤身刺身都有，款款都好新鲜又厚身，非常满足。个人最喜欢深海池鱼，油脂厚，入口质感爽脆，淡淡鲜甜，厚切发挥出层次感，正。
和牛煲仔饭 $298
————————————
饭粒渗透住酱油嘅香气，捞埋蛋、葱花更加惹味，加埋和牛入口真系好正，丰富油脂香气，我最钟意煲仔饭有少少饭焦，淡淡焦香，令人难以抗拒🤤
烤和牛肩他他凯撒沙律 $138
————————————
和牛肩可以话系最重牛味嘅部位之一，薄切再烤，已经可散发浓厚嘅牛味，加入凯撒沙律🥗非常开胃。
季节味雪葩 $88
————————————
超适合夏天嘅柚子雪葩，用依个甜品收尾真系超正，淡淡的柚子香味，仲有少少柚子粒，超满足。
张贴
