Sodam Chicken (已結業)

最近碌Facebook见到呢间Sodam Chicken就嚟结业，之前一直都想去试，不过有啲贵而却步。依家见佢既炸鸡焗鸡买一送一，就约埋朋友一齐食韩式炸鸡。未到餐厅，百乐中心已经大排长龙，都等咗起码十分钟先上到去。餐厅门前大排长龙，好彩朋友预先订咗位，齐人后好快就入得去。韩风紫菜焗鸡（$198）有骨焗鸡，相对上冇咁腻，个人最爱，上菜嘅时候仲热辣辣，咬落肉汁流出嚟，肉质鲜嫩，皮亦都唔太厚，仲伴有调味粉同紫菜碎，好食！蜜糖芥末香葱炸鸡（$198）无骨炸鸡，朋友最爱，佢哋最钟意个汁，不过我自己就略嫌少少甜，不过整体上都好juicy，唔错！千岛加勒比海薄饼（$138）- 送食落去似粟米火腿忌廉汤，钟意佢个皮唔太厚，相对上冇咁济，唔算好特别。螺肉伴冷面 （$128）- 送唔太啱我口味，太甜，都几普通。餐厅仲好贴心咁喺枱上提供埋手套，亦都有自助水供应。价钱方面其实就算买一送一都唔算特别平，不过趁未结业之前可以预先book定位试吓！