金利來食坊 (已結業)

同朋友睇完公民党首映已经系九点半，咁岩又谂起牛下都『果头近』喇，所以就趁牛下仲未拆，去九座揾好野食，行过呢间金利来食坊，就比佢里面几近坐满的食客吸引住入左去喇.....有好多招牌茶，都唔知叫乜食好，最后叫左四个𩠌，有细蚝粥、豉椒炒蚬、椒盐尿虾同埋辣酒煮花螺。豉椒炒蚬，够辣，送酒一流；椒盐尿虾够香口，啖啖肉；细碗蚝粥，用鱼汤汤底，够晒鲜甜，食完仲加多一煲辣酒煮花螺，上枱时啫啫声，D辣烟辣到隔离枱食客打咳痴添呀。不过无奈地炒蚬都有唔少系未开壳既，而开左壳既亦有好多系冇肉既；而椒盐尿虾亦有几只系训觉虾，相中前方就有一大只训觉虾，D训觉虾一搣壳D肉系散晒烂晒既....两个人九点半食到十一点半，四个𩠌三支老青埋单$233......