影片
更多
2020-04-18
1165 浏览
• Dinner Omakase•💵Price: $1790 per one🍴Food: 1/5💔-岀完哂日本啲post之后我决定要即刻岀返个警世post🆘(有少少长🤦🏻♀️)继我上次比左成千蚊食左UO n间大伏餐厅之后，我今次真系再下一城😐比左连埋服务费成二千蚊去食一间个蒸蛋入面有头发既餐厅⋯⋯🤯.首先讲啲食材，鱼类唔多款式都唔紧要，新鲜度确系麻麻，深海池鱼腩即使烧左都无乜鱼脂香味，佢比既中拖罗其实都系赤身级数。煮物当中有个蒸鲍鱼(图三)，睇落都知个鲍鱼可以话系淡而无味，肉质正常但无鲜味，而隔离所谓既鲍鱼肝酱都好怪，食落似绿茶酱多过鲍鱼肝酱😳我本身其实系冲住图中个海胆杯而黎，点知都系失望☹️海胆质素系ok架不过隔离啲鱼子认真系太咸，再加左豉油之后就即使捞左饭都觉得好咸⋯⋯完全享受唔到😩.再讲系最重要既卫生问题，佢本身比我个茶碗蒸竟然蒸左条长头发系入面‼️我一开盖系清楚见到有条头发露咗出黎，心谂点解佢哋可以完全发现唔到？重点系我话比师傅听嘅时候，佢仲好似以怀疑嘅眼神去望，仲特登要撩佢出嚟，好似要证实俾我睇其实唔系头发咁🤷🏻♀️而呢个时候应该系个老板娘就大嗌同佢讲系头发黎架喇dum左佢喇快啲
💵Price: $1790 per one
🍴Food: 1/5💔
-
岀完哂日本啲post之后我决定要即刻岀返个警世post🆘(有少少长🤦🏻♀️)继我上次比左成千蚊食左UO n间大伏餐厅之后，我今次真系再下一城😐比左连埋服务费成二千蚊去食一间个蒸蛋入面有头发既餐厅⋯⋯🤯
.
首先讲啲食材，鱼类唔多款式都唔紧要，新鲜度确系麻麻，深海池鱼腩即使烧左都无乜鱼脂香味，佢比既中拖罗其实都系赤身级数。煮物当中有个蒸鲍鱼(图三)，睇落都知个鲍鱼可以话系淡而无味，肉质正常但无鲜味，而隔离所谓既鲍鱼肝酱都好怪，食落似绿茶酱多过鲍鱼肝酱😳
我本身其实系冲住图中个海胆杯而黎，点知都系失望☹️海胆质素系ok架不过隔离啲鱼子认真系太咸，再加左豉油之后就即使捞左饭都觉得好咸⋯⋯完全享受唔到😩
.
再讲系最重要既卫生问题，佢本身比我个茶碗蒸竟然蒸左条长头发系入面‼️我一开盖系清楚见到有条头发露咗出黎，心谂点解佢哋可以完全发现唔到？重点系我话比师傅听嘅时候，佢仲好似以怀疑嘅眼神去望，仲特登要撩佢出嚟，好似要证实俾我睇其实唔系头发咁🤷🏻♀️而呢个时候应该系个老板娘就大嗌同佢讲系头发黎架喇dum左佢喇快啲！佢先至成碗dum左⋯⋯而个蒸蛋其实系得啲菇，乜嘢海鲜都冇，而且一样系无乜味⋯⋯
另外我哋当晚系坐Sushi Bar望住师傅整嘢食既，我见住佢一边用块抹布抹枱，一边又用返同一块抹布去盛载啲食材真系有少少反胃🤢
.
最后想讲埋既系师傅既专业度🤦🏻♀️正常我地食同一个set，啲野食都会系一齐上。但系因为我要影相有时会比较食得慢，而当我旧寿司仲系碟上面，同行朋友食完之后个师傅竟然照上下一件寿司俾佢😳跟住就搞到我好似赶住要食埋佢，等佢可以继续上🤷🏻♀️
.
总结系比$2000一个人呢个价钱，我完全冇谂过系得到咁既Service同埋食到呢啲质素既野食！真系大伏中之大伏！同一个价钱无论系Ta-ke，Haku定Raki呢啲都系绝对高质过呢度无限倍🤦🏻♀️而我当晚出完story后都已经有其他foodie反映呢间餐厅真系好多地方好唔掂，真系完全唔明点解呢间野仲可以生存到！食完一肚气，不过无野做到，唯有打返篇负评警惕下大家，同埋如果睇Openrice记得睇埋负评🙈
张贴
