蚊蚊豬老火鍋 (已結業)

手提电脑坏咗，今日出咗深水埗行下，行咗一轮又左腾右腾，终于买咗啦。一买完就觉得好肚饿，朋友知我钟意食烤鱼，就提议食呢间任食放题。原来除咗烤鱼任食之外，仲有好多嘢都系食，三文鱼、鸡煲、牛尾锅，仲可以打边炉，正。帮衬晚市放题，盘刺身同海鲜送。外面仲有自助吧，有啲边炉料，仲有饮品区同任拎雪糕。呢度啲雪糕系本地品牌，但用既都系意大利原材料制造，仲系轻盈低脂，食多一两杯都无问题啦。拣左泡椒酸汤味烤鱼，要微辣，汤底酸酸地越食越开胃。配料有菇、 莴笋同娃娃菜。条鱼有煎过，好香、鱼肉又嫩滑。其他食完烤鱼可以转汤底边炉，但我地都觉得呢个汤都好正，所以就真接打边炉啦。佢呢度可以点较少见牛肉部位，例如黄喉同毛肚👍。呢度啲小食都好味，麻辣串串，yummy。炸馒头都超正，外脆入面又超松软，我地仲食左两转添。今餐真系食左好多野，我个肚都无位置食鸡煲同其他锅添。