小念頭 (通菜街) (已搬遷) 新店位置

事源朋友生日，庆祝得好赶，蛋糕都未准备好，好多食开都要3日预订，唯有试新嘢！点知又畀我揾到好嘢！🥳🥳本身小念头都要预订，超临时，一开工即刻打去问有冇现成，话有铁观音cheese cake! 即留！店员好信我，本身谂住畀咗钱先，都话唔需要，仲帮手整埋生日牌！蛋糕真系有惊喜，唔系渣渣芝士黎，好浓，又唔会过甜，连上边个半截都系铁观音味cheese cake！以成饼都系芝士黎讲，320蚊绝对抵食！一定会再帮衬！另外，小念头本身仲系间cafe仔，细细间，几有文青feel, 几个朋友仔上去坐坐都几正！