卷福和他的朋友們 (已結業)

上星期同同事见完客，见完已经夜晚八点，正值晚饭时段，朋友介绍呢间由国内引入餐厅，主打龙虾，见同事见客见得咁顺利， 所以我都谂住请佢食返餐，结果就跟佢意思过嚟。黎到餐厅可能已经九点过咗晚饭时段所以人流并不多，餐厅环境非常舒适，座位同枱面都非常宽敞。由于已经系非常肚饿嘅关系，所以我哋听从店员推介，嗌左一道龙虾同酸菜鱼。嘢食好快就上枱，龙虾份量比餐牌图片仲要多，而酸菜鱼份量同样唔细。龙虾菜式有浓烈嘅嘅蒜香味，酱汁非常惹味，从来未系其他香港餐厅食过，结果我同同事分别食咗三碗白饭，酱汁真系非常适合用嚟捞饭另外龙虾亦都非常新鲜，我哋落单嘅时候系拣咗澳洲小龙虾，咪试其他产地，但系澳洲小龙虾肉质真系非常弹牙，结果我同同事极速清晒而酸菜鱼亦都做得非常出色，酸味同辣味都非常突出，咸酸菜相信系用上品，因为食落并唔会过咸仲有淡淡的菜味。结果两个男人食咗一个钟头都冇就已经清晒两碟份量唔细嘅菜式，绝对会再嚟！