影片
更多
2024-08-27
844 浏览
今次介绍呢间台湾餐厅，我好矛盾呀，一方面佢食物好有水准，好想俾多啲人知道支持佢，另一方面又惊介绍咗之后，太多人会搞到我好难攞位🥹餐厅「玥」位于元朗嘅加点商场，餐厅座位唔算多，但系坐得好舒服，简单就连筷子同埋免费提供嘅纸巾都做得好精美！酱香茄子 ⭐️⭐️⭐️⭐️⭐️呢个冷盘茄子系我每次嚟必点，酱香茄子嘅酱汁系比较偏甜，茄子软硬煮得刚刚好，我谂钟意食茄子嘅都会大赞❣️酱香牛肉面 ⭐️⭐️⭐️⭐️⭐️我第1次点嘅时候吓一跳，因为份量好大完全唔似前菜，牛面肉唔肥但超级软腍，中间有一层骨胶原，所以食落口有黏黏嘅感觉，实在太好味👍🏻松露百花臭豆腐 ⭐️⭐️⭐️⭐️⭐️第一次见将松露配搭臭豆腐，估唔到有令臭豆腐更加浓味嘅方法😳 台湾嘅臭豆腐同香港唔同，台湾会切到细细嚿，所以会炸得更香脆！臭豆腐嘅造法好有台湾风味，配埋加入松露嘅沙律酱，呢个组合好有惊喜😳无花果黑醋骨 ⭐️⭐️⭐️⭐️⭐️黑醋骨配搭无花果冻干，净系睇卖相都觉得吸引！黑醋骨嘅黑醋酱挂满成嚿肉，调味好好唔会太酸亦唔会太甜！伴碟嘅无花果冻干千祈唔好忽略，食到淡淡甜度嘅无花果果味👏🏻鲜蚵手工安格斯卤牛肉饭 ⭐️⭐️⭐️⭐️⭐️冇谂过卤肉饭可以弃用猪，转用安格斯牛，成件事好特别！加埋新鲜蚵仔，唔止
餐厅「玥」位于元朗嘅加点商场，餐厅座位唔算多，但系坐得好舒服，简单就连筷子同埋免费提供嘅纸巾都做得好精美！
酱香茄子 ⭐️⭐️⭐️⭐️⭐️
呢个冷盘茄子系我每次嚟必点，酱香茄子嘅酱汁系比较偏甜，茄子软硬煮得刚刚好，我谂钟意食茄子嘅都会大赞❣️
酱香牛肉面 ⭐️⭐️⭐️⭐️⭐️
我第1次点嘅时候吓一跳，因为份量好大完全唔似前菜，牛面肉唔肥但超级软腍，中间有一层骨胶原，所以食落口有黏黏嘅感觉，实在太好味👍🏻
松露百花臭豆腐 ⭐️⭐️⭐️⭐️⭐️
第一次见将松露配搭臭豆腐，估唔到有令臭豆腐更加浓味嘅方法😳 台湾嘅臭豆腐同香港唔同，台湾会切到细细嚿，所以会炸得更香脆！臭豆腐嘅造法好有台湾风味，配埋加入松露嘅沙律酱，呢个组合好有惊喜😳
无花果黑醋骨 ⭐️⭐️⭐️⭐️⭐️
黑醋骨配搭无花果冻干，净系睇卖相都觉得吸引！黑醋骨嘅黑醋酱挂满成嚿肉，调味好好唔会太酸亦唔会太甜！伴碟嘅无花果冻干千祈唔好忽略，食到淡淡甜度嘅无花果果味👏🏻
鲜蚵手工安格斯卤牛肉饭 ⭐️⭐️⭐️⭐️⭐️
冇谂过卤肉饭可以弃用猪，转用安格斯牛，成件事好特别！加埋新鲜蚵仔，唔止味道好，台湾风味更加系直线上升🤣 同台湾最大分别嘅就系，呢碗卤肉饭份量十足，蚵仔嘅份量一啲唔手软，配埋卤牛肉，味道丰富😍
芝啡顶生椰 ⭐️⭐️⭐️⭐️⭐️
呢度饮品嘅款色竟然有成版纸！我左拣右拣拣咗呢款比较特别嘅芝啡顶生椰(半糖少冰)😌 饮品分为两层，下半部份系椰水，上半部份系由咖啡打成嘅厚泡沫，咖啡味配搭椰水原来可以咁好饮，建议可以学我咁叫半糖，我觉得咁样甜度啱啱好！
红豆宇治抺茶鲜奶 ⭐️⭐️⭐️⭐️⭐️
朋友又系，拣咗好耐终于下定决心饮呢一杯红豆宇治抺茶鲜奶 (少糖少冰)😆 宇治抹茶真材实料，浓郁得来带有少少嘅抺茶甘苦味，红豆又甜又大粒，朋友比满分，仲话下次嚟再饮！
8 浏览
1 赞好
0 留言
松露百花臭豆腐
4 浏览
0 赞好
0 留言
松露百花臭豆腐
20 浏览
0 赞好
0 留言
酱香茄子
38 浏览
0 赞好
0 留言
酱香牛肉面
52 浏览
0 赞好
0 留言
鲜蚵手工安格斯卤牛肉饭
768 浏览
0 赞好
0 留言
琥珀合桃
212 浏览
0 赞好
0 留言
27 浏览
0 赞好
0 留言
张贴
