大吃大喝 (已搬遷) 新店位置

餐厅嘅老板系新加坡回流嘅摄影师，佢嘅志愿系开茶餐厅，回流返嚟之后喺茶餐厅拜师学艺，最后决定将茶餐厅嘅元素同三文治结合，见到小店三文治馅料非常有特色，共有18款，每一款睇落去都好好食。厚切三文治即叫即做，全份14cm厚，好足料。由于款式好多，每一款望落去都好吸引，款款都想试。由于本人好钟意食沙嗲牛肉，最后拣咗香浓沙嗲牛肉滑蛋三文治🥪，加配樽仔奶茶。面包非常松软，闻说店主揾咗好多间供应商先拣到呢款面包，沙嗲牛肉花生酱味突出，份量多，半熟既炒滑蛋配合香浓沙爹牛肉，非常创新配搭，味道好夹，中意食沙爹牛肉朋友一定要试！樽仔奶茶亦做得很出色，店家用上5种粗中幼茶叶，用撞茶嘅方式令奶茶饮落去好滑，佢哋嘅樽仔奶茶茶味比较浓，佢哋会将成支奶茶雪冻，避免冰块冲淡奶茶味。