飯意主題餐廳 (已結業)

朋友推介我黎哩间试下，佢话平、靓、正！今日中午黎开旺角就黎食lunch。见到门口有设置排队既位置，心想入面一定有d咩特色野要排队入去咁劲。打开餐牌见到价钱咁抵我谂哩度出名够平，食个lunch $43有埋野饮，连锁快餐都做唔到，仲要喺旺角铺租咁贵既地方，难怪咁多食客支持。冻柠茶跟餐加$2 红豆冰加$9杯红豆冰椰奶香甜，红豆粒粒都好林，好好饮！芝士薯饼猪扒咖喱饭 $45金黄色既流心芝士好吸引，好大碟呀！猪扒好林，个咖喱系唔辣既，中间夹住块薯饼咁样加埋黎食几特别，原来系几夹既。芝士鳗鱼蟹籽蛋浆饭 $78见到几枱食客都食紧哩碟蛋浆饭，闻到劲香，到我地有得食时店员会帮我地捞好只蛋同芝士，咁平都有咁好服务，唔洗自己整，超好！个饭有好多芝士好香呀，啖饭有好丰富口感，因为有好多料，有鳗鱼、蟹籽、紫菜、蛋，哩碟蛋浆饭我认为系黎到必食既，真系正！原条鳗鱼瀑布厚多士 $68系原条长掌咁大既鳗鱼，今餐真系满足左我想食鳗鱼既欲望，未试过食咁多，好满足。个滑蛋系亮点之一，配埋面头烧汁超正。鳗鱼多士系第一次食到，好特别。个多士底可以再烘得脆d，但都ok。哩间餐厅已经入左encore list，下次黎开旺角必会回头。