群記爽腩店 (已結業)

因为我老婆约左人出街食饭，又系净返我自己一个人食，放左工唔知食咩好，之后过湾仔188行街啦，行到去远望见到有间牛腩店，不如食牛腩饭啦，去到门口望下餐牌原来有好多唔同既牛腩，有坑腩、爽腩、崩沙腩、面珠墩等等。入到去谂下想食边个位置既牛腩啦，因为系其他粉面店唔系有咁多唔同牛腩既位置，平时真系好少食其他位置，食来食去都系牛腩牛筋，今次特别d叫左个【崩沙腩饭】来试，一来到见到都几靓，第一啖饮左个汤先（个浓汤说到用了多少材料再经过多久时间去煮成，个人觉得佢地应该有加＜八角＞落埋一齐煮），所以劲好饮，到个崩沙腩，我真系好少食，所以食落口好特别，爽爽地又有咬口又不会太硬，岩岩好。我下次一定会来试埋其他位置既牛，真是值得一赞！