喜記避風塘炒辣蟹 (利園山道) (已結業)

喜记一早就听过，今次专登一家人过嚟铜锣湾食避风塘辣蟹。我地拣左招牌四人套餐 $888，头盘系醉鲍鱼四大只，冷盘开胃，鲍鱼肉爽口弹牙，有好香既花雕酒味，不错！蚬可以拣豉椒炒或者上汤水浸，而我地就拣左豉椒炒蚬，蚬肉只只饱满，配上香浓豉椒酱汁，回味无穷！黄金虾炸到卜卜脆，连虾壳都可以食，好有大排档风味。重头戏，招牌避风塘炒辣蟹，蟹肉鲜甜唔使讲，我地拣左少辣，啖啖滋味，炸蒜都好值得一赞，炸得超脆超好，睇落有少少黑但食落一啲都唔苦，仲好香。食左咁多碟惹味海鲜，配返个蒜蓉炒时菜就非常之好，中和一下油腻感，而菜都好新鲜脆口。最后避风塘炒河，牛河炒得干身唔会太油，牛河又香又滑！