樂天客棧 (已結業)

今日带两个姪仔去奥海城玩全球第一个嘅Running M&Ms，玩之前系商场揾嘢食，见到乐天客栈下午茶时段，炒面饭有五折优惠，好吸引，系门口望吓餐牌，都啱晒两个姪仔食，就系依度开餐，食咩就由两个姪仔话事。最先离蒜香红海蜇头，系哥哥点嘅，点知食咗一啖，哥哥话好辣食唔到，禁唯有我地大人食啦，海蜇好爽，吸咗d蒜味浓嘅辣汁，我觉得好好食，不过如果细佬食又真系辣咗少少。招牌扣肉包，扣肉好入味，望落好似好肥噤，但食落又唔觉，好鬼惹味。乐天营三彩，细佬点嘅，点知细佬只系食又甜又爽嘅南瓜，其他无食，不过我就最钟意蕃石榴，又香又有口感，蕃茄都好食，酸酸味味，好多汁。阿婆蕃茄炒蛋，哥哥话好想食，蕃茄酸酸甜甜，好开胃，鸡蛋又香又滑，颜色又靓，送饭一流，叫咗个白饭比佢地，一阵就食清光。再叫多咗个家乡海鲜炒面线，面线炒得好干身，又唔会好油，材料有虾，有鱼，仲有鱿鱼，加埋d蔬菜，都几好食，同埋下午茶有折，只系$44真系好抵食，唔好以为下午茶会比少d你，其实个份量一d都唔细，讲真茶餐厅用依个价钱都未必食到啦，所以绝对超值。唔知两个姪仔系未心急去玩，佢地好快将d嘢食清光，仲叫我快d埋单，真系比佢地激衬。