祥發茶餐小廚

营业中

休息中

平时都成日黎祥发食午餐，因为佢个午餐真系超抵，份量多兼且种类多！ 平时食开佢嘅鸡脾，其实都冇食过其他，今次就叫左个麻辣鸡翼、西多、沙爹牛米粉（$45)，同埋一个下午茶餐，有炸薯条、吉列鱼柳、煎薯饼。麻辣鸡翼、西多、沙爹牛米粉（$45)麻辣鸡翼 第一次食佢个麻辣鸡翼，有三只，麻味唔算重，但系都有啲辣，啲鸡翼都几大只，鸡肉都滑。西多士今次好食，佢个西多士系半份嘅，但系好厚好香，中间夹住花生酱。 上次有个唔系咁好嘅经历，个西多士超硬，店员仲要话因为我唔系即刻食-_- ，但系明明西多一到我已经即刻食，不过上次佢都有换第二样畀我。沙爹牛肉米粉都ok，普通质素，牛肉偏淋，但都多牛肉。下午茶 薯条、煎薯饼、吉列鱼柳 （$39）第一次叫佢个下午茶餐，其实系冇咁抵，但系可以㨂3样小食，下午茶份量岩岩好。薯条 平时跟餐冇架，呢个系下午茶先有，系普通茶记薯条feel。煎薯饼外型唔讲以为系萝卜糕，佢唔似薯饼，平时薯饼入面多数都系一粒粒薯仔，但系呢个唔系咁。佢似煎薯蓉多啲，都几特别嘅。吉列鱼柳冇咩鱼味，而且比较淋，外皮系脆嘅。整体黎讲都唔错。