薈亞廚房 (已結業)

新都城商场有好多舖头，好好行，今日就约咗朋友行街。到食饭时间就谂下食乜嘢，呢度好多餐厅选择，最后拣咗荟亚厨房。呢度环境宽敞装修有特色，午市无加一，二人套餐148元，几抵食，有小食，蔬菜，主菜同2杯龙眼冰。我哋拣咗喇沙浓汤时蔬，虾饼拼粉卷，同埋海南鸡油饭。龙眼冰清甜，不会过甜，几润喉。炸虾饼脆卜卜，时蔬就好香，有啲椰香味同少少辣。海南鸡好好食，皮脆肉滑，配油饭好match。我哋仲加钱点了两款小吃，每款都系20蚊。我哋叫咗一串鸡，一串牛串烧同椰子鸡汤。钟意椰子鸡汤有椰子味，清清地，饮得舒服。串烧好香浓沙嗲味，呢餐食得非常饱。