漁不老烤魚雞煲火鍋 (諾士佛臺) (已結業)

最近诺士佛台开左间烤鱼鸡煲火锅店，入面环境阔落得黎好舒服🥰不定期会有live band表演tim，但因疫情关系所以暂时未有表演今次就同朋友试下佢地既2人套餐🤩麻辣猪耳猪耳好爽口之余仲辣得好过瘾😆炸虾卷外脆内香口，配埋泰式辣酱真系一流👍🏻椰子鸡煲椰皇肉加椰青水既清甜味渗入口腔🤤充满椰香既鸡煲好味又足料，鸡肉完全吸收哂既椰水精华，鸡肉嫩滑，有咬口，仲隐约带椰香tim😚酸菜鱼呢个酸菜鱼份量十足，两个人都食唔哂😆鱼肉嫩滑之余又唔易散，仲好厚肉tim，汤底酸酸辣辣得黎唔会太咸，越食越上瘾😋😋入面仲有薯粉、莴笋、菇类等配料，真系超足料😍时令海鲜拼盘有海虾、蛏子、鲍鱼同大蚬每款各两只，款款都好新鲜，特别中意蛏子大只得黎仲好鲜甜😍而蚬一D沙都冇，整体黎讲都唔错👍🏻👍🏻顶级黑毛猪卷肉质嫩滑多汁，油脂分布均匀，仲好有猪味😋极上骗牯牛非常软滑又够肉汁，带少许微膻味，而且有嚼劲，牛味够浓郁🤤蔬菜篮、水饺、墨鱼丸同蒿笋蔬菜篮有粟米、金菇、娃娃菜同生菜，而水饺皮薄，馅料系虾肉非常爽口😚墨鱼丸非常弹牙；蒿笋好爽口，带点甜味😋