影片
更多
2021-07-12
343 浏览
最近经常嚟康城呢边，见住个商场愈开愈多舖，我同朋友依日想食中餐🥢，于是就拣咗「京沪佳肴」。幸好我哋闲日中午嚟唔使等位，听讲晚市要排队先有得食。餐厅环境唔错，座位数量多👍，而且餐枱够大张，坐得舒服。其中有一边更系对住溜冰场，感觉好开扬，但个场暂时好似仲未开放。餐牌成本书咁厚，真系睇到我眼花撩乱😆，所以最终决定简单啲，食个价值$728嘅「超值两位龙虾套餐」，有齐哂我哋想食嘅嘢✌🏻。炝汁鲜鲍海蜇头，呢个前菜几开胃，因为炝汁辣辣哋、酸酸哋🌶。海蜇头好大块，比幼身嘅海蜇丝还要爽脆，而且更挂汁。另一主角鲜鲍鱼亦都唔错，同样好爽，兼且唔韧，但得一只有啲唔够喉啰，而底部就仲有啲露笋添。荠菜花胶豆腐羹，汤羹好够味兼好足料🤤，每啖都食到荠菜、花胶同豆腐。同时，质感唔会过于滑潺潺，最重要系热辣辣送上。上汤芝士龙虾球拌煎米，套餐有龙虾食🦞，感觉已经抵咗一半！如果我无记错，龙虾有成四大件，虾肉鲜味，口感弹牙。🧀上汤芝士汁咸香味浓，估计系用上车打芝士，所以颜色偏橙。芝士汁唔会盖过虾嘅鲜味，仲好啱配煎米食。煎米饼份量其实超多，但就无想像中咁松脆。京沪香酥烤鸭(半例)，呢个系餐厅嘅招牌菜，唔系唔食呀😎。半例份量够哂二
最近经常嚟康城呢边，见住个商场愈开愈多舖，我同朋友依日想食中餐🥢，于是就拣咗「京沪佳肴」。幸好我哋闲日中午嚟唔使等位，听讲晚市要排队先有得食。
餐厅环境唔错，座位数量多👍，而且餐枱够大张，坐得舒服。其中有一边更系对住溜冰场，感觉好开扬，但个场暂时好似仲未开放。
餐牌成本书咁厚，真系睇到我眼花撩乱😆，所以最终决定简单啲，食个价值$728嘅「超值两位龙虾套餐」，有齐哂我哋想食嘅嘢✌🏻。
炝汁鲜鲍海蜇头
10 浏览
0 赞好
0 留言
荠菜花胶豆腐羹
15 浏览
0 赞好
0 留言
上汤芝士龙虾球拌煎米
22 浏览
0 赞好
0 留言
京沪香酥烤鸭
50 浏览
0 赞好
0 留言
烤鸭皮好邪恶😈，不过幸好皮下层脂肪较薄。鸭皮好脆啊，又够油香，就算放耐咗都无话差太远。鸭皮下低原来垫咗好多鸭肉，片得好平均，肉味都几香。
配料盛盒有六款🌈，包括青瓜、大葱、红菜头、蒜蓉、甜酱同埋砂糖。部份配料比较常见，但配砂糖食都系第一次，女店员细心介绍，原来鸭皮沾砂糖系超好食的😍。
餐厅喺餐牌嘅第一版就附上填鸭食法，首先系要落单，哈🤣。其后就系将薄饼置于碟上，放一块填鸭于十二点钟方位，再放上配料同酱汁。完成后将薄饼上下对折，然后分别左右再对折一下，咁就搞掂，食得👏！
我系跟足步骤整㗎，你睇吓成品几似模似样💯。
鸡汁小棠菜，食完上面嘅嘢我已经饱咗九成🙈，望住碟菜都唔太大胃口。不过估唔到都几好味，因为系用上鸡汁熬制🐔，而唔系普通白烚。小棠菜自身亦都几甜几嫩。
冰糖雪耳炖桃胶，糖水好滋润，冰糖清甜入心💕，但亦唔会过甜。甜汤啲料多到一个点，搞到啲水唔系好多，要投诉呀，讲笑啫。
总括嚟讲，呢个👫二人餐确系几好，佢囊括晒餐厅嘅招牌菜式，而且仲几好食添😋。虽然八百蚊感觉唔平，但食呢啲嘢又觉得OK。服务方面，店员不时留意住我哋嘅进食速度，以确保菜式适时送上，亦会主动帮我哋添茶，抵赞。
张贴
