洋麵屋 五右衛門 (已結業)

我同闺蜜已经唔系第一次食呢间餐厅，每次想倾计嘅时候都会拣呢度，因为环境宽敞，食物味道唔错，加上分量十足，非常适合食量比较多嘅朋友。我哋叫咗二人餐，前菜拣咗温泉蛋沙律，味道清新酸甜，非常开胃。呢日嘅餐汤系南瓜汤，质地浓郁，好香奶味。呢款系二人套餐送嘅小菜，虽然卖相一般，但食落好香口。至于主食，拣咗款比较干身嘅炒意粉，蒜味非常香。另外一款就拣咗白汁温泉蛋意粉，非常creamy。饮品方面，我转左抺茶latte，饮落口感香滑。