Ruby Tuesday (世貿中心) (已結業)

一直都知道世贸中心间Ruby Tuseday午餐有买一送一优惠，仲可以系商场地下部E-Directory print Coupon，实在太方便喇！呢个promotion去到11月30号咋，今日趁返半日工，同男朋友叹返个超值既露比午餐先~~~~露比set lunch 有 汤或沙律拣，主菜同餐饮。主菜我地拣左mini burger迷你露比同千层阔面，餐汤就拣忌廉汤，仲有面包送tim~~~忌廉汤同我平时系出面饮既味道好唔同呀，好香浓既奶味，反而忌廉味道就较轻。可以一边饮汤一边"点"黑糖面包或者法包，头盘经已好开胃喇主菜黎喇！午餐既mini burger有两个，burger亦可以选择要牛肉馅或者鸡肉馅。当然我地要牛肉同鸡肉各一喇，可以试到两款味道嘛~~~男朋友大赞好味道！另外有我最爱既粗薯条做伴碟，差不多成碟粗薯条都俾我食晒至于千层阔面，有两块蒜蓉片做伴碟，好香浓好脆呀~~~好钟意呀！阔面有好厚厚既芝士铺系面，啖啖都有芝士同阔面，好正呀!不过午餐既份量比较少，男朋友食完话唔系好咁喉。但有买一送一优惠，仲想点呢~~~~最后埋单都系大约90几蚊，100蚊有找！有买一送一优惠的确好超值，我一定会再黎