香積廚素食 (已結業)

好耐冇过黎荃湾啦。由地铁站行过黎少少远但系系绝对值得嘅！行上三楼 行多几步会见到左边有个牌 写著香积厨素食 牌下摆满同唔同𩠌菜 对面就系顾客坐既地方，大概坐到二十几三十人 中间 中间张枱就摆咗粥, 糖水同埋汤。第一次黎既话，阿姐(老板娘?)会同你讲呢度嘅规矩：1. 请尽量净系用一只碟同埋一只碗， 如太多汁或者污糟左既话，用热水壶斟热水冲走去。2. 不限你食几多野，但系唔可以浪费！如果食剩𩠌要双计！听完阿姐讲就可以开饭架啦！我记得当日嘅𩠌菜有(记唔哂全部)：●沙姜鸡-腐皮卷●'肉'碎豆腐●佛手瓜●炒菜心●白+红萝卜丝(冷盘)●炒米粉●姜饭☆即叫即做手打拉面☆南瓜天妇罗●炸波波(入面好似系芋丝?)●娃娃菜豆卜粉丝煲●'羊腩'焖萝白 ●咖哩薯仔+薄饼我个人最钟意既系佛手瓜，南瓜天妇罗，炸波波，豆腐，娃娃菜豆卜粉丝煲同埋薄饼。呢度嘅炸物做得相当之好， 炸得脆卜卜而且一啲都唔油腻，我食完系冇热气嘅感觉。记住要等阿姐拎啱啱炸好嘅，新鲜热辣食真系会令你觉得呢度绝对值得黎。 阿姐间唔中会大声问' 有冇人要手打拉面呀?' 要就出声，我要咗半碗， 烟韧有嚼感，几特别㖞。除左啲𩠌放出黎冻左要等阿姐煮新嘅之外