和牛88 (已搬遷) 新店位置

上次嚟永光中心锯扒个阵，先发现成栋大厦都系食肆，仲要各有特色，所以谂唔到食乜个阵就会嚟拣一间都试下，今次就嚟到位于13楼既日式餐厅。🐮面豉煮牛筋腩定食($88+10%)虽然Menu话定食附有沙律同饮品，但其实仲附有和风薯仔沙律同味增汤，所以份量非常大。无论系主食同配菜既摆盘同餐具都好精致，净系卖相已经令人食欲大增🤤主食既面豉煮牛筋腩除左野菜同牛筋腩，仲有蒟蒻粒系入面增加口感，酱汁唔会太咸，好啱送饭，牛筋腩都几淋，不过肥膏就多左啲啲🤏🏻配菜方面，沙律同面豉汤水准都属平均之上，但自己最钟意就系和风薯仔沙律🥔质感好creamy，有少少黑胡椒调味，仲有啲烟肉系入面，好好食💕食完成个午市定食再饮埋罐装汽水(跟餐唔使加钱!)，已经直达110%饱，饱到晚餐都唔使食，以份量同质素嚟讲呢个价钱真系好超值👍🏻而且餐厅环境唔错，座位舒适阔落，service亦好好，整体用餐体验都几满意，想食呢类型定食既话会首选呢间👏🏻