Mango Tree Kitchen (太古城中心) (已結業)

我每次去太古城行街，大多数都会拜访一下mango tree，因为实在太啱我口味。我之前去过圆方𠮶间分店，但系圆方𠮶间系高级版，食精致菜。但系太古城依间就亲民好多，可以一家人大啖大啖咁食😋望到个餐牌，样样都想食，由于我有选择困难症，所以唔想烦，简简单单叫左一个二人套餐。头盘系泰式拼盘，里面有我最钟意嘅炸虾饼、沙嗲、泰式沙律。主菜我拣咗烧春鸡，香喷喷，肉质又滑，个酱汁超掂，好味到要拜托店员俾多碟酱汁我。另外又拣咗大虾金边粉，又系大大碟，中规中矩，一贯泰式金边粉嘅风味。最后个甜品拼盘简直系今个晚餐嘅灵魂：有芒果鸳鸯糯米饭、斑兰千层糕、椰汁西米糕。呢个甜品拼盘我俾满分，完全系可以为呢个晚餐加上完美的句号。美中不足系个青柠梳打真系好酸，我冇办法之下要沟水先至饮到😬