影片
更多
2017-06-06
284 浏览
今次去到油麻地私房御约试吓私房菜，听朋友讲呢度啲海鲜好新鲜，而且鲜甜，所以我哋就两个人过咗嚟试啦。入到去餐厅格局非常整洁，而且空间位置大，座位非常宽敞坐得好舒服，我哋两个人就坐咗一张中间位置嘅四人枱，店员非常有礼客气地比餐牌我哋，仲介绍今日嘅新鲜食物同埋套餐，最后我哋拣咗个「龙趸海鲜餐」，每位都只系＄298，套餐有11款食物，大部份都系新鲜嘅海鲜，有「日本放养猪梅肉」、「扎扎跳基围虾」、「深海龙趸鱼腩」、「蛏子皇」、「手打墨鱼滑及鲜虾滑」、「元贝皇连裙边」、「自制鲜虾猪肉饺」、「虫草花红枣冬菇蒸鸡」、「时令七色蔬菜」、「南瓜粟米排骨粥」、同埋「精选甜品」就系木瓜雪耳糖水等等，成个套餐非常我食物呀，不同种类、不同款式，一次过满足晒我哋两个需求。系等食物来之际，我哋就调味混酱先啦，分别有四款调味料俾我哋选择，当然唔少得有我最钟意嘅辣椒丝，加埋落去啲豉油，再点海鲜食非常惹味。另外仲有一壶菊花茶俾我哋饮，餐厅真系非常贴心啊，入面仲有杞子同埋圆肉呀，可以一边食蒸气粥底火锅，一边饮菊花茶解渴消暑。饮品方面，有唔同种类嘅汽水同埋啤酒选择，仲有德国最好饮嘅啤酒，，当然我梗系叫返我至爱嘅「芬达橙汁」饮啦
入到去餐厅格局非常整洁，而且空间位置大，座位非常宽敞坐得好舒服，我哋两个人就坐咗一张中间位置嘅四人枱，店员非常有礼客气地比餐牌我哋，仲介绍今日嘅新鲜食物同埋套餐，最后我哋拣咗个「龙趸海鲜餐」，每位都只系＄298，套餐有11款食物，大部份都系新鲜嘅海鲜，有「日本放养猪梅肉」、「扎扎跳基围虾」、「深海龙趸鱼腩」、「蛏子皇」、「手打墨鱼滑及鲜虾滑」、「元贝皇连裙边」、「自制鲜虾猪肉饺」、「虫草花红枣冬菇蒸鸡」、「时令七色蔬菜」、「南瓜粟米排骨粥」、同埋「精选甜品」就系木瓜雪耳糖水等等，成个套餐非常我食物呀，不同种类、不同款式，一次过满足晒我哋两个需求。
系等食物来之际，我哋就调味混酱先啦，分别有四款调味料俾我哋选择，当然唔少得有我最钟意嘅辣椒丝，加埋落去啲豉油，再点海鲜食非常惹味。
另外仲有一壶菊花茶俾我哋饮，餐厅真系非常贴心啊，入面仲有杞子同埋圆肉呀，可以一边食蒸气粥底火锅，一边饮菊花茶解渴消暑。饮品方面，有唔同种类嘅汽水同埋啤酒选择，仲有德国最好饮嘅啤酒，，当然我梗系叫返我至爱嘅「芬达橙汁」饮啦。
食物终于来啦，卖相好吸引。首先就系猪肉同埋基围虾一齐蒸，店员好好服务帮我地一齐蒸埋，仲要计埋时间过嚟帮我地打开蒸气锅，非常体贴贴心啊。基围虾变左橙色就已经食得啦，基围虾啲壳好容易搣开，咬落去嘅时候都有啲下嘅汁唧出嚟，好鲜味！而且啖啖肉，肉质弹牙，点埋啲辣椒豉油真系一流呀。猪肉一片片咬落去肉质好「林」，满口都系猪肉呢，而且非常新鲜，好正！
第二次蒸就系我最钟意嘅龙趸肉啊， 龙趸肉有四大块，而且好厚身，另外仲有葱系龙趸肉上面，可以僻咗啲鱼腥味。等左几分钟终于有得，非常非常好味呀，鱼肉咬落去有口感，唔使点豉油都有鲜甜嘅味道，我自己都食咗三块啊，必食！
之后就系食蛏子，两大条有我手掌咁长呀，食落去好弹牙，放入口要一段时间先咬得晒，可想而知蛏子有几大条有几长，而且味道非常新鲜！
之后轮到大大只嘅扇贝啦，两大只，虽然冇任何配料加落去，但系蒸出来的味道都非常鲜甜，而且整完之后仲有啲鲜甜汁可以饮，有少少咸咸嘅味道，咬落去扇贝大大只好有口感，而且扇贝中间系生，外层就系熟，再加埋扇贝嘅裙边，裙边好长咬落去爽口，一举两得。
最后食返啲饺子类同埋蔬菜类清下肠胃，望落去色彩缤纷，果然系七色时令蔬菜，分别有娃娃菜、南瓜、粟米同埋青椒等等，仲有鸡食啊！等左一段时间终于食得啦！啲鸡非常新鲜，咬落去肉质非常鲜嫩，而且鸡本身有味道，唔需要点酱汁豉油已经有咸咸嘅鲜鸡味道，另外蔬菜咬落去都有鲜甜嘅海鲜汁，清清地就咁食都好滋味呀。
最后蒸所有海鲜，仲有粥底火锅食呀，真系非常满足呀。
食咗咁多野两个人都系差唔多＄400，一人都系＄200就可以食到海鲜，出面真系食唔到咁平嘅价钱，超值！
张贴
