影片
更多
2024-02-05
693 浏览
今日约左大姑妈饮早茶，好耐未试过周日晨早出尖沙嘴饮茶喇。好耐之前嚟过南洋中心呢度，之前好似系百xx宴会厅，原来而家转左尚苑京沪川菜，好彩都同样有点心食。打开菜牌见到推介嘅二人餐，有我钟意食嘅酸菜鱼，加埋熏香樟茶鸭、再可以选两个点心，望落唔错，又好似几抵食，就决定点呢个“友谊套餐”。上菜时，侍应仲俾左笼黑糖枣皇糕，细问之下，原来系午市优惠，每个客人都可以有一件。😃🥟莴笋鲜虾饺：卖相精致，皮唔算太薄，有小小弹牙；里边有1-2只中虾，爽口。⚫️黑金流沙包：流沙效果几劲，要小心咬开；奶黄味香，包身十分软绵绵。🦆熏香樟茶鸭：查一查资料，这道菜是川菜中有名的传统菜式，相传更是慈禧太后喜欢的席上菜之一。这道先蒸后炸的樟茶鸭，皮层颜色较深，有好淡嘅烟熏香味，皮层带小小脆，肉质软腍，唔会因多重工序而变得干身；当中夹杂著软骨，嘴嚼时更添口感，唔错。🐠酸菜鱼：酸菜金汤非常惹味，浅尝几口饮到汤味嘅浓郁但唔会呛喉。鱼片有大件亦有细件，实身而软滑；酸菜鱼不可缺少嘅莴笋同宽粉亦齐备，前者爽口，后者烟韧。黑糖枣皇糕：虽然系免费赠品，但诚意十足。千层糕点，做到烟韧，带枣香；最欣赏系甜度适中，不嗜甜品嘅大姑妈亦赞不绝口。总
打开菜牌见到推介嘅二人餐，有我钟意食嘅酸菜鱼，加埋熏香樟茶鸭、再可以选两个点心，望落唔错，又好似几抵食，就决定点呢个“友谊套餐”。
上菜时，侍应仲俾左笼黑糖枣皇糕，细问之下，原来系午市优惠，每个客人都可以有一件。😃
🥟莴笋鲜虾饺：卖相精致，皮唔算太薄，有小小弹牙；里边有1-2只中虾，爽口。
⚫️黑金流沙包：流沙效果几劲，要小心咬开；奶黄味香，包身十分软绵绵。
🦆熏香樟茶鸭：查一查资料，这道菜是川菜中有名的传统菜式，相传更是慈禧太后喜欢的席上菜之一。这道先蒸后炸的樟茶鸭，皮层颜色较深，有好淡嘅烟熏香味，皮层带小小脆，肉质软腍，唔会因多重工序而变得干身；当中夹杂著软骨，嘴嚼时更添口感，唔错。
🐠酸菜鱼：酸菜金汤非常惹味，浅尝几口饮到汤味嘅浓郁但唔会呛喉。鱼片有大件亦有细件，实身而软滑；酸菜鱼不可缺少嘅莴笋同宽粉亦齐备，前者爽口，后者烟韧。
黑糖枣皇糕：虽然系免费赠品，但诚意十足。千层糕点，做到烟韧，带枣香；最欣赏系甜度适中，不嗜甜品嘅大姑妈亦赞不绝口。
总结：物超所值！！ 份量之多其实三人食也可以；而质素虽未至于顶级，但真心好食。加上位处尖东，呢个价钱，呢个质素，完全值得俾⭐️⭐️⭐️⭐️⭐️
张贴
