Red Penguin (已搬遷) 新店位置

Korokke - 日式炸物，源自法国croqutte。主要似薯蓉加牛肉，虾，菜或白汁混合搓成饼状，包上面包糠炸成。口感要求外脆内软，薯蓉幼滑。响天后A2出口正正对住嘅Red Penguin 主打Korokke，种类各式各样，原味，珍宝，咖哩，白汁任君选择。原味korokke - 皮脆，薯蓉好软好滑，但唔松散，不过好似阵风咁，冇咩口感，如果薯蓉密度可以高啲，口感会实在啲。白汁korokke - 好味，奶味香浓，不过好细块，要食好多先够喉。小店卖点除咗日本正宗外，价钱超值，新鲜热辣。除korokke外，便当都好受欢迎，$30 就有餐食，材料足，份量够，味道好，要食就趁早，迟啲一定加价。