Homeland (東昌街) (已結業)

今日同朋友黎大埔呢到食手工意粉，值得一试！我地叫左个二人餐，劲满足！呢个63°C温泉蛋卡邦尼意粉既味道好夹，食落creamy得嚟又有蛋香味，最特别系手工意粉，相比一般意粉粗好多，骤眼望落似乌冬，但又系意粉既味道，几特别。我地叫左个香城和牛汉堡配薯条，和牛整得唔错，外层香脆之余里面亦充满肉汁，加上薯条系啱啱炸起，热辣辣，好正。呢个西兰花汤煮得好好，creamy得嚟又keep到西兰花本身既味道，好味之余感觉上又好健康。秘制法式龙虾浓汤真系好浓，饮落龙虾味好重，而且仲有龙虾肉，诚意十足，不过味道会偏咸，比较适合重口味既朋友。香草蒜香焗田螺配薯蓉嘅田螺煮得几嫰滑，而且肉质都保持到爽口，而薯蓉绝大部份都好嫰滑，有D薯仔粒。花茶虽然味道淡淡哋，但香气十足，闻到已经觉得好舒服，食完嘢可以一路慢慢叹一路倾计。