肉肉強食 by 鋒膳 (已結業)

之前上网见到呢间既吉列猪柳做优惠，每日首50份只需$20，咁抵紧系去试试佢。我同朋友6点几去都仲嗌到，同埋咁岩美式什扒都做紧半价去到31/10，所以都嗌左呢个。吉列猪柳有两大块，仲有好多配菜，猪柳肉质鲜嫩而且都多汁，点埋好juicy，个黑椒汁都唔错，唔会好辣。美式什扒都好丰富，牛扒够软唔会”韧”，另外仲有一只鸡翼、一条司华力肠同烟肉，全部都好惹味，而猪扒就觉得唔够吉列猪柳正，但整体都吸引既。另外都仲有好多正野食同扒类可以拣，依家有优惠真系不妨一试，非常抵，加多$18就可以变套餐，有埋汤、饭、餐包、饮品、甜品。地方够大，好宽敞。