唐記包點 (吉利徑)

营业中

休息中

搬来美孚已经半年多，始于都觉得唐记包点最抵食同好食，好似佢哋会每日有推广优惠蒸饭$22蚊同冻包$15蚊3个。今日只想留起屋企休息，所以就落去唐记买定全日应要嘅食物，是日星期六，冻包优惠是“菜肉包”，买咗3个等待下次做早餐，自己蒸嚟食。我喜欢菜肉包包面甜甜地，里面馅料足料，食到啖啖肉加菜香甜，食极都唔讨厌。为自己点了皮蛋瘦肉粥，里面有皮蛋、瘦肉丝及腐竹，粥很绵，份量又十足。再加“香煎风味”$15蚊3件，$5.5有1件，我就叫咗一件葱油饼一件锅贴及一件新推介的香煎蔬菜香菇包。味道方面葱油饼相当香脆， 锅贴煎得边都很脆口，里面猪肉馅料都好够味，而香煎蔬菜香菇包，没有肉是素包，香口惹味合适食素人士。凤爪排骨饭星期六也做优惠$22，份量十足好抵食，味道够晒经典。