蚊蚊豬老火鍋 (已結業)

相约朋友收咗工响深水埗有物件交收，见面之后朋友话食咗晚饭先回家，问我有冇好地方。第一时间谂起旧年食过𠮶间，就系抵食，花款多嘅蚊蚊猪老火锅，地址喺深水埗荔枝角道240-244号宝兴楼地下A-C号舖。坐低后，店员问要什么汤底，我哋选择真·龙虾窝，够鲜够诱人。好快刺身拼盘来到枱上，三文鱼新鲜肥美鱼油香，象拔蚌爽脆鲜甜。龙虾锅原只龙虾开边卖相矜贵，味道鲜美。肥牛拼盘，有牛舌心，牛坂腱，封门柳， 极上牛肩嫩肉，全部都系我最爱。汤底一滚马上想试吓牛肩嫩肉，果然肉香嫩滑，牛舌心滚两滚一转色就可以，封门柳肉质嫩滑，不易变韧，而且牛肉味极为浓。脆肉鲩鱼爽脆弹牙，鲜虾云吞，大大只虾做馅料。矜贵的龙虾啖啖肉放入口中，真过瘾。再试埋个万州烤鱼，汤底系手打浓鲜茄味，海鲈鱼预先煎炸咗，汤滚咗鱼肉嗦晒鲜茄汤，鱼肉鲜嫩，蕃茄味浓郁，令人越食越开胃，唔腻口。最后食埋雪糕，完结今餐超值嘅晚餐。