好時沙嗲

营业中

休息中

去完尖沙咀行街，朋友推介呢间餐厅超值，一定要试下。既然时间尚早，唔使排队，一于试下。海南鸡饭，油饭几香，海南鸡鸡肉几滑，就算减肥嘅都忍唔到口食多2啖。马拉盏通菜，几大碟，味道还好。沙嗲串烧，好抵食，有猪肉，牛肉，鸡肉串，肉质唔系特别滑，但唔系嚡嘅。不过重点系个沙嗲酱，好香花生味，有花生幼粒，增口感，咸味适中，特别好食。咖喱牛腩，加薄饼。薄饼热辣辣，粉唔厚。可惜个咖哩牛腩一般般，个汁较杰，薄饼食唔到好多咖哩汁，而且牛腩较老，唔好食。侍应介绍6点前，饮品半价，所以我地拣左珍多椰汁同涷凉粉，2杯饮品够特色，半价后抵饮。