大戶屋

营业中

休息中

如果想食平价日本菜，我觉得康怡大户屋都系一个唔错嘅选择，因为始终系一间日本当地嘅连锁店。当中最重要系能够接近日本当地嘅口味，而且价钱都算平民价。因为定食份量都好大，所以我哋两个人每人只系各叫咗一个定食已经好饱。猪扒玉子锅定食$121: 如果怕热气又想食香口嘢嘅朋友，呢个定食我绝对推介。炸猪扒浸在汤汁里面，既入味，又可以享受少少炸猪扒嘅香脆。定食仲有一碗日本米，前菜，面豉汤同茶碗蒸，简直系满分。萝卜蓉煮鸡扒锅定食 $99: 加入萝卜蓉嘅汤汁，浓味中带点清甜，好特别，我老公话好好食。原本仲想叫甜品，但系真系好饱，大户屋又好食又超值，有机会一定再encore。