影片
更多
2023-02-21
1151 浏览
放工嚟蓝田揾朋友攞啲嘢，顺便一齐食晚饭。由友人带路，嚟咗启田大厦地下呢间「大壹烧鹅」。听朋友讲，餐厅嘅烧味主厨正是澳门一间星级食府出身，而晚饭小菜亦做得有板有眼，绝对不比大酒楼失色。我哋点咗个二人行超值套餐 ($288)，个套餐包 2 位用老火靓汤同白饭，另外仲可以任选三𩠌，配热饮+$5，而冻饮就+$7。是日老火汤为合掌瓜猪骨汤，汤水味道非常清甜，用料十足，滋润解燥。热奶茶浓郁顺滑，茶味香得嚟又唔苦涩；而冻柠茶亦冰凉舒爽，酸度适中，饮落好 refreshing！大壹叉烧皇拼玫瑰豉油鸡：叉烧选用肥瘦适中嘅梅头肉炮制，食落肉质好软嫩，富肉香和腌制酱料嘅滋味。油鸡水准亦不俗，鸡肉嫩滑，豉油汁清甜浓稠，用嚟送饭一流！椒盐鲜鱿个脆浆好薄身，火候掌握得恰如其分，外层炸至酥脆，而内里嘅鱿鱼肉亦够晒嫩口，椒盐味适中又唔韧，绝对系下酒佳选。另外碟菠萝咕噜肉亦属水准之作，唔单止卖相靓仔，而且食落肉味好香浓，外脆内松化，吃时还带点油脂甘香。配料有无花果、荞头、菠萝同三色椒，呢个配搭非常新颖，加上自家调制嘅甜酸酱汁，开胃醒神。
放工嚟蓝田揾朋友攞啲嘢，顺便一齐食晚饭。由友人带路，嚟咗启田大厦地下呢间「大壹烧鹅」。
听朋友讲，餐厅嘅烧味主厨正是澳门一间星级食府出身，而晚饭小菜亦做得有板有眼，绝对不比大酒楼失色。
我哋点咗个二人行超值套餐 ($288)，个套餐包 2 位用老火靓汤同白饭，另外仲可以任选三𩠌，配热饮+$5，而冻饮就+$7。
是日老火汤为合掌瓜猪骨汤，汤水味道非常清甜，用料十足，滋润解燥。
热奶茶浓郁顺滑，茶味香得嚟又唔苦涩；而冻柠茶亦冰凉舒爽，酸度适中，饮落好 refreshing！
大壹叉烧皇拼玫瑰豉油鸡：叉烧选用肥瘦适中嘅梅头肉炮制，食落肉质好软嫩，富肉香和腌制酱料嘅滋味。油鸡水准亦不俗，鸡肉嫩滑，豉油汁清甜浓稠，用嚟送饭一流！
椒盐鲜鱿个脆浆好薄身，火候掌握得恰如其分，外层炸至酥脆，而内里嘅鱿鱼肉亦够晒嫩口，椒盐味适中又唔韧，绝对系下酒佳选。
另外碟菠萝咕噜肉亦属水准之作，唔单止卖相靓仔，而且食落肉味好香浓，外脆内松化，吃时还带点油脂甘香。
配料有无花果、荞头、菠萝同三色椒，呢个配搭非常新颖，加上自家调制嘅甜酸酱汁，开胃醒神。
张贴
