丼道 (上水廣場)

营业中

休息中

今次呢间餐厅真系好正，话说今晚同妈妈去左上水广场3楼嘅丼道食日本野，延续去日本个铺瘾，味道同质素不失喺日本当地食。价钱仲要好抵，唔会贵过深圳。晚市加定食都只系百零蚊，有齐哂刺身、乌冬、照烧鸡扒丼、炸物同埋饮品和面豉汤，仲要加埋雪糕添，抵到不得了。顾名思义当到梗系要试下佢嘅丼饭啦，佢用个只珍珠米好有饭香，而且粒粒都晶莹剔透弹牙，照烧鸡扒皮脆而肉软淋，老人家食都赞不绝口，配埋个超鲜味汤乌冬加埋小食真系一流。跟餐嘅刺身仲有一只大嘅赤海虾，非常新鲜，平时一份今日刺身喺其他寿司舖叫都要成100蚊。我地点左绿茶雪糕茶味好浓郁亦都好香滑雪糕筒都好脆个饼底好味，非常性价比极高嘅一餐饭。小食嘅打生蚝香脆而且入边好多汁，鲜嫩无比，食到唔想停。炸饺子就系正宗嘅日本菜肉饺子，皮薄馅靓。呢间装到真系样样都好食。如果要讲性价比真系有100分。原来装个APP仲有会员优惠，哩个价钱简直系家常便饭价钱，一定会再嚟又再嚟过。