香葉灣 (太和廣場)

营业中

休息中

下雨天，唔想行咁远，近近地一落巴士就到嘅商场食晚饭。呢一间茶餐厅可能都算系附近街坊嘅食堂，有时周末都会去食下午茶餐嘅。佢嘅晚餐同样好多选择，泰式粉面、咖哩牛腩、中式小菜，西式扒餐。平时多数食炒粉或咖哩，今次就拣咗两个扒餐，加$6改铁板上，配汤、餐饱、餐饮。两款都系五成熟，配薯菜。🥩西冷牛扒(配黑椒汁）肉质唔错，因为铁板热住，所以叫五成就啱啱好，一啲都唔会话太’生‘。黑椒汁几惹咪，唔系得个辣字。🥩孖头牛柳(配烧汁）第一次食‘孖头牛柳’，好好味，肉质较‘林’，一啲都唔韧或‘鞋口’。配烧汁味道唔错。☕️每次都系配热柠茶，唔止系个色够深，茶味仲好浓，好少茶餐厅会有咁浓嘅茶㗎。