撈得喜火鍋冰室

营业中

休息中

今日气温急降，天气冻左好多，同事们即话放工一齐去打边炉，有住喺大埔嘅同事提议去屋企附近嘅捞得喜火锅冰室，佢话餐厅价钱相当亲民，200蚊都唔洗就可以任饮任食两个钟，而且质素相当好，大家都同意一齐去试吓！餐厅地方够大，装修简洁，座位宽敞。设有自助区，分门别类的火锅配料和饮品摆放整齐又干净。饮品雪柜有不少选择，除咗有汽水啤酒，还有极受欢迎嘅仙草椰奶和手打香水柠檬茶。千万不要错过啊。入座后首先系拣锅底，锅底有19款选择，有鸡煲、烤鱼等，即刻有选择困难症出现，最后拣咗招牌椰子鸡煲，三个椰子一锅汤，原汁原味的椰子水滚后，放入半只鲜鸡，大约滚数分钟（有计时器倒数）就食得，鸡件弹牙又充满椰子香味，超正！所有火锅配料都系自取，肉类在一个大雪柜内，有手切牛、牛板腱、肥牛、黑毛猪，全部都好新鲜，放入椰子汤内灼熟，入口除咗肉味，仲带有清香嘅椰子味。火锅配料款式都有好多，其中还有海鲜，鲜虾爽口，大蚬、蚝仔和青口都好鲜味。猪皮、鱿鱼、丸类等都好爽口弹牙。最后仲有多款甜品，其中除咗有七彩缤纷嘅雪糕，仲有棉花糖机，客人可以自己制造棉花糖，试试自己手势！