住家菜 (已搬遷) 新店位置

个仔由BB开始每年都带佢去睇圣诞灯饰，今年都唔例外。睇完灯饰就尖东食饭，估唔到帝国中心内几间中式食肆都好旺，尤其系依间，人龙最长所以拣佢。好彩都系等了二十分钟就有位。见佢标榜老火汤无落味精就要一煲，其他有镇江骨、中式牛柳、粟子鸡煲及蒜茸白菜仔，仲有红枣糖水送。佢地所卖菜式全部都系好普通住家菜正如其名，至于是否健康烹煮就见仁见智。个人最欣赏系煲汤，真材实料正宗老火汤，老婆最欣赏系糖水，至于D唔系话佢唔好，只不过用料方面差少少，所有肉类都系雪藏货，无肉味，全靠烹调功夫。但系每样都只卖四十几，已经好超值。