麗島小廚 (已結業)

Set Lunch款式多，我哋三个人一人拣一款然后share食，我哋拣咗鱼香茄子、豉汁蒸䲝鱼同埋剁椒肉松蒸豆腐，呢度嘅份量都几多，我觉得四个人食都绝对足够有余。 lunch time时间一坐低侍应就送上每人一碗例汤，今日系红萝卜合掌瓜粟米煲猪骨，呢碗例汤冇味精，真系好正。佢嘅set lunch除咗你拣嘅送之外仲会跟一碟菜，鱼香茄子用小砂锅上，食嘅时候仲热辣辣，冇乜油果下好。豉汁蒸仓鱼嘅豆豉好香，条鱼又大条又新鲜。剁椒肉松蒸豆腐嘅肉松其实即系肉碎，啲豆腐好滑，又唔会好辣㖞。个餐仲跟埋嘢饮，都几抵食。