影片
更多
2023-02-23
753 浏览
我哋庆祝周年纪念，想试吓新嘢！原来喺湾仔有一间咁高质素嘅餐厅，新开嘅，大家可以试试，我哋就一试难忘！AERA用嘅食材质素好好，唔同季节会有唔同tasting menu! 今次材料主要系来自日本同埋本地嘅高级食材！原来厨师团队系十分之用心，每一道菜你会感受到，都系用足心机嘅手工制作💗！非常之独特，同埋喺其他餐厅食唔到㗎！服务嘅团队亦都非常之贴心，细心！每一道菜都会换餐具不在话下，细致到每一道菜都会预备抹手嘅湿纸巾！而且仲会关心我哋食得开唔开心，舒唔舒服！超六星级嘅服务！赞！🌟昨晚嘅Testing Menu有差唔多10道菜！1. Amuse Bouche一共有三款，首先试咗春卷！里边有好清新嘅味道几特别！最欣赏系红萝卜挞，皮脆馅靓！入面嘅馅系混合左红萝卜酱汁同埋有少少辣嘅感觉，层次口感非常多！另外一个系好似甜面包嘅感觉，有少少面豉味，同埋蜜糖味配上椰丝，都系食得出厨师利用唔同色材嘅味道同埋口感，一开始就已经好有惊喜！2. Starter:呢道前菜见到都唔舍得食，最喜爱之一！试咗佢个Panna系非常之滑，混合左喺个底下面嘅青口，加埋鱼子系鲜味无穷！3. 2nd Starter 呢道望落去好似
AERA用嘅食材质素好好，唔同季节会有唔同tasting menu! 今次材料主要系来自日本同埋本地嘅高级食材！
原来厨师团队系十分之用心，每一道菜你会感受到，都系用足心机嘅手工制作💗！非常之独特，同埋喺其他餐厅食唔到㗎！
服务嘅团队亦都非常之贴心，细心！每一道菜都会换餐具不在话下，细致到每一道菜都会预备抹手嘅湿纸巾！而且仲会关心我哋食得开唔开心，舒唔舒服！超六星级嘅服务！赞！🌟
昨晚嘅Testing Menu有差唔多10道菜！
1. Amuse Bouche
一共有三款，
首先试咗春卷！里边有好清新嘅味道几特别！
最欣赏系红萝卜挞，皮脆馅靓！入面嘅馅系混合左红萝卜酱汁同埋有少少辣嘅感觉，层次口感非常多！
另外一个系好似甜面包嘅感觉，有少少面豉味，同埋蜜糖味配上椰丝，都系食得出厨师利用唔同色材嘅味道同埋口感，一开始就已经好有惊喜！
Amuse Bouche
15 浏览
0 赞好
0 留言
2. Starter:
呢道前菜见到都唔舍得食，最喜爱之一！试咗佢个Panna系非常之滑，混合左喺个底下面嘅青口，加埋鱼子系鲜味无穷！
Starter: Mussel Panna Caviar
23 浏览
0 赞好
0 留言
3. 2nd Starter
呢道望落去好似冇乜特别，但唔系一般嘅小云吞。小云吞里便有好香口嘅肠同埋菌类，加上面头嘅farm to table 芫荽BB，混合上嚟系成口都系浓香，你会想再食多啲！连个汤底都饮清晒！
2nd Starter: Paracress dumpling
16 浏览
0 赞好
0 留言
4. Bread
面包就真系只此一家，因为佢哋系自己特制嘅面包！面包本身已经有浸清淡嘅豉油香味！净食已经觉得好香，配合佢哋自己调配mustard butter 令到味道再提升咗！
Homemade Bread
23 浏览
0 赞好
0 留言
5. 3rd Course
起初见到觉得好得意，有两只小鸡腿，原来系用本地黄土鸡，慢煮出嚟，所以非常之入味，外皮系脆到不得了，入边啲肉系非常之滑！
少食多滋味！
3rd Course: Pattes
16 浏览
0 赞好
0 留言
6. 4th Course
呢道菜系其中最喜欢㗎，本身系用马友鱼做底，上面有非常之新鲜来自日本嘅北海道海胆卖相非常之好之余，鲜味甜味充满口腔！
4th Course: Urchin / Dill
9 浏览
0 赞好
0 留言
7. Main
Pigeon
佢哋用嘅Pigeon系好嫩滑，一啲都唔鞋口，煮法都系其他餐厅未食过，半生熟，咁好似食紧鱼生一样，我自己本身唔系太食生食物，所以就觉得麻麻地，但系个味道系好好！
Main: Pigeon
24 浏览
0 赞好
0 留言
A3 Wagyu Sirloin
呢度主菜我自己个人就好钟意，因为最钟意食和牛。材料靓一定就冇得输！配合一个酸酸地嘅酱汁都几特别！
Main: A3 Wagyu Sirloin
7 浏览
0 赞好
0 留言
8. Pre-Dessert
惊喜陆续来，估唔到甜品都系非常之特别创作！
呢个系用蓝莓整到好滑嘅，好似雪糕咁样！自家制嘅云呢拿油，唔会冚左个蓝莓味要你自己嚟试吓先至可以讲到个感受！
Pre-Dessert: Berry Vanilla Kombucha
7 浏览
0 赞好
0 留言
9. Dessert
呢个原来系受一个传统马来西亚饮品嘅灵感，启发转化成一个唔同形式展现嘅甜品！净系睇佢制作嘅手法已经好吸引，再加上里面个普洱茶雪糕加小麦草酱汁，估唔到混合起上嚟系好特别嘅味道，两样非常之配合！
Dessert: Malay style Tea
10 浏览
0 赞好
0 留言
10. Petit Four
唔系一般嘅四件饼仔，每一件都仲系继续去到最后用心嘅制作，同埋创意真系要比满分！
贝壳饼皮脆内软，热辣辣嘅！另外有一个好似以前旧式𠮶啲蜜饯油皮，当然佢呢个好食好多啦！最欣赏𠮶个望落去好似好硬，其实系青柠味嘅棉花糖甜酸度非常之合适！
Petit Four
13 浏览
0 赞好
0 留言
由一开始食到尾真系用咗两个半钟，每一道菜都系厨师都会介绍！实在感受到𠮶份热诚！对食物质素要求嘅热诚！
我哋觉得今次周年纪念嘅体验真系非常之开心，都建议大家可以系啲庆祝日子嚟呢一度试吓！
张贴
