五月食堂 (已結業)

扮工后去觅食，就近拣左呢间，可以成班fd吹下水烧下野食，而且系熟食中心嚟讲，成个环境都舒服干净。烧肉方面，168呢个价钱，当然款式就唔会特别多，但鸡牛猪有齐，最重要系味道正绝对唔系平价货，唔会有雪藏味，又唔会有橡筋feel,仲有仲有，个多春鱼啊，完全冇涩涩地嘅味，系超超超好食😋而且佢哋酱汁系老板👨‍🍳自己调较煮过嘅，唔会得个咸饮品方面呢，汽水🥤啤酒🍺个d就基本喇，我个人就好钟意佢哋有几款无糖嘅饮品，本身烧肉已经好Heavy,饮d 无糖饮品，可以安慰下自己，冇咁大罪恶感。而且仲有款0️⃣糖0️⃣卡0️⃣脂嘅OOHA俾大家拣😏小食方食就试左酥炸鱿鱼圈同水牛城汁鸡翼，鱿鱼圈🦑系天妇罗咁，d粉浆好脆，一d都唔厚，我一个人已经食晒成碟🙈🙈。鸡翼都系脆卜卜，即使淋左汁都唔会淋除此之外，每人仲有只大虾🦐送，呢度就不得不提佢哋事先已经将只虾开边，再挑埋虾肠，咁体贴嘅细致位，绝对值得加分喇👏👏最后仲试左佢哋嘅樱花虾回锅肉炒饭，呢个炒面嘅发明皆因老板娘好钟意回锅肉，所以老板就发明左出嚟，唔怪之得连个炒饭都咁好食，系爱啊哈利🥰呢个价钱有咁好嘅质素，唔去都对唔住自己喇