大叻越式料理 (已結業)

尖沙咀近年开咗好几个大型商场, 间间都有好多出名既餐厅座阵, 今日行开尖沙咀, 无意间走入呢间越式餐厅, 本人最钟意食浓味嘢, 所以一见倒MENU有喇沙, 即刻唔驶谂, ORDER咗一碗先, 我朋友就叫咗碗火车头河粉, 仲叫咗客咩"健康油菜"添!首先嚟既系油菜, 佢真系好鬼死健康, 因为系白煮, 咩味都冇, 不过佢有一小碟好似菜汤咁既嘢俾你点啲菜嚟食, 好神奇, 条生菜点一点咗啲汤之后, 居然超鲜甜, 我同我朋友都觉得好神奇同好惊喜之后我朋友碗火车头汤河嚟到, 佢食咗一口之后话OK啦~! 不过天后𠮶间好味啲, 因为呢间啲汤唔够浓㖞...最后主角上场(我自己认为), 喇沙.....可以形容既系.....喇沙汤底最紧要, 佢不单只有好浓郁既虾汤味, 无论系椰奶同椰糖味都落得洽到好处, 仲带少少辣味, 因为食过好多喇沙, 之前𠮶啲唔系唔够椰奶, 就系唔够椰糖, 一唔系就唔够辣, 呢间真系味度十足, 再加上一个令我一食就爱上佢既原因系....喇沙里面啲虾, 哗! 系有头有壳既新鲜虾, 食落爽口弹牙, 唔似得其它啲餐厅咁用埋晒啲烂鬼雪虾, 佢仲要一碗喇沙里面有四大只呢啲咁既新鲜虾, 都系用料十足