影片
更多
2023-05-22
2895 浏览
ICC既喺香港地标，又喺香港最高建筑物，上到嚟101楼「Sky Dining 101」层食饭，感觉当然喺有啲唔同，呢次嚟到主打精致粤菜嘅「麒天」，细尝高级中菜，虽然今次未能够坐晌窗口位，但都有种居高临下嘅感觉。踏入餐厅先要经过长长嘅走廊，其实两边喺唔同大细嘅贵宾厢房，听侍应讲今日所有厢房都订满晒，所以，都未有机会睇一睇啲房喺点。走到尽头，就喺用餐大厅，望入去有两面都喺落地大玻璃，正正对住180∘维港景色，景致绝对一流，而整个环境装修华丽，典雅却不俗气，加上灯光柔和，令到整个气氛都予人非常舒服，而嚟嘅都喺属较斯文嘅人，所以，唔会话好嘈吵。枱櫈嘅编排亦都好阔落，当然订到窗口位，就有靓景伴饭，不过我哋被安坐晌排近门口嘅梳化位，放咗好多咕臣，坐落又极为舒服写意。枱上嘅餐具、摆设都一丝不苟，精致好睇，就连餐巾都绣咗餐厅名字。摆盘比较西化，但如需茗茶，如陈年普洱、铁观音……亦可向侍应要求。虽然有个散点餐牌，但今次目标喺由冷盘、热荤、主食、连埋水果、甜品10道菜嘅「晚市套餐」（$1,388 + 10%），样样少少，可以一次过试到多款巧手特色菜，绝对喺「味力」诱惑。琥珀合桃、酸荞头、腌渍蒜头餐前送嚟小
踏入餐厅先要经过长长嘅走廊，其实两边喺唔同大细嘅贵宾厢房，听侍应讲今日所有厢房都订满晒，所以，都未有机会睇一睇啲房喺点。
走到尽头，就喺用餐大厅，望入去有两面都喺落地大玻璃，正正对住180∘维港景色，景致绝对一流，而整个环境装修华丽，典雅却不俗气，加上灯光柔和，令到整个气氛都予人非常舒服，而嚟嘅都喺属较斯文嘅人，所以，唔会话好嘈吵。
枱櫈嘅编排亦都好阔落，当然订到窗口位，就有靓景伴饭，不过我哋被安坐晌排近门口嘅梳化位，放咗好多咕臣，坐落又极为舒服写意。
枱上嘅餐具、摆设都一丝不苟，精致好睇，就连餐巾都绣咗餐厅名字。摆盘比较西化，但如需茗茶，如陈年普洱、铁观音……亦可向侍应要求。
虽然有个散点餐牌，但今次目标喺由冷盘、热荤、主食、连埋水果、甜品10道菜嘅「晚市套餐」（$1,388 + 10%），样样少少，可以一次过试到多款巧手特色菜，绝对喺「味力」诱惑。
琥珀合桃、酸荞头、腌渍蒜头餐前送嚟小食，餐具非常精致，老婆未到，正好过过口瘾。啲合桃超香脆，每粒都包满薄薄一层糖胶，却唔黏牙；荞头酸爽醒胃，咬落脆口咯咯声；而蒜头喺最有惊喜，因为谂住会喺腍身，好大朕蒜味，但口感却喺有种爽脆感，蒜味唔会呛喉。
琥珀合桃、酸荞头、腌渍蒜头
4 浏览
0 赞好
0 留言
作为打头阵嘅颈盘，卖相已有啲先声夺人，最底层喺软滑嘅牛油果蓉，再铺上厚厚一层他他虾肉，衬以一满羹黑鱼籽，更冰镇住上枱，虾嘅鲜味绝对唔会流失，而且，刺身级数嘅虾肉果然好甜，刴到细碎却仍保持爽口感，咸香嘅黑鱼籽就更突出虾鲜味。
牛油果他他虾
2 浏览
0 赞好
0 留言
三色温室蕃茄伴花椒圣子皇第二道颈盘再嚟都喺刺身冷盘，圣子皇起晒肉，衬以三色温室番茄片，非常的骰好睇。骤眼睇，啲圣子好似无咩特别，但食落除咗柔韧之外，渗出阵阵花椒香，却唔霸道，而啲温室番茄好清甜，正正可以平衡返啲花椒味。
色温室蕃茄伴花椒圣子皇
3 浏览
0 赞好
0 留言
软壳龙虾配鲜龙虾汁软壳食得多，软壳龙虾肯定喺第一次食，又一惊喜之作。鲜龙虾汁堂上淋落嚟，带点气派感。先食咗底下件龙虾肉，爽弹鲜味，而嚟试试上面件虾头，果然真喺软壳，可以就咁成件咬落去，绝唔会巉口放心食，就好似食软壳蟹咁，佐以超浓郁嘅龙虾汁，确在滋味。
软壳龙虾配鲜龙虾汁
2 浏览
0 赞好
0 留言
汤水老婆就最钟意喇，个炖汤完全喺无得输，老婆大赞非常之好饮，睇到啲汤色就知清而不浊，入口有浓浓姬松茸香味，醇和够火喉，感觉好滋润。汤内有大大条海参，口感柔软带点爽，而螺头柔韧有咬口，真喺每一口都喺精华。
甘鲷立鳞烧轮到主食，先喺一道鲜鱼菜式，有别常食嘅蒸鱼，而喺带有和风嘅甘鲷立鳞烧，卖相好特别，炸到啲鱼鳞泛起片片金光，咪以为口巉巉，入口却喺酥脆到不得了，非常得意；而下面嘅鱼肉质感挺实，但食落却喺鲜嫩至极，鱼味浓郁，并佐以粟米汁，超赞！
甘鲷立鳞烧
3 浏览
0 赞好
0 留言
48小时慢煮牛肋肉伴紫准山另一道主食就2拣1，我哋两个人就当然可以两款都试匀。老婆唔多食牛，小弟就独霸呢份慢煮牛肋肉，牛肋肉煮得啱啱好，一来色泽粉嫩，完全无渗出血水，二来啲肉质真喺嫩滑细腻，肉味香浓又富肉汁，真喺无可挑剔；而紫准山爽脆清新，又够健康。
48小时慢煮牛肋肉伴紫准山
9 浏览
0 赞好
0 留言
忌廉鱼籽脆皮花胶老婆食花胶就最啱啦，补番足啲胶原质。平时食花胶都喺炆嘅多，脆炸都喺第一次，估唔到效果非常之好，厚厚嘅花胶本身已好够咬口，再加埋香脆薄薄嘅炸浆，一脆一软，实在好食，再沾上混满大大粒三文鱼鱼籽嘅忌廉汁，好有心思嘅配搭。
忌廉鱼籽脆皮花胶
4 浏览
0 赞好
0 留言
云海蟹肉扒时蔬都喺时候食番啲蔬菜，不过，就算喺一道「菜」式，都要做到最好。时蔬用上极之鲜嫩爽脆，入口无渣嘅鲜露笋，再放上大量鲜拆蟹肉，伴以蛋白茨，绝不失「云海」之名，蟹肉鲜甜好食，实在超足料。
云海蟹肉扒时蔬
8 浏览
0 赞好
0 留言
大澳虾籽海苔捞面接近尾声，其实都已经好饱吓，不过仲有饭面，同样喺2拣1嘅菜式。先试个捞面，卷起嘅粗面摆得好靓仔，洒上大量大澳虾籽，所以，食落渗出阵阵咸香味，天然、甘香，再佐以炸樱花虾、炸紫菜、炸鱼干仔，捞埋一齐食，口感、味道就更丰富。
大澳虾籽海苔捞面
6 浏览
0 赞好
0 留言
XO酱海鲜炒饭用上XO酱，又有海鲜，个炒饭唔好食都几难，实在炒得好有镬气，饭粒分明，XO酱嘅味道均匀，而海鲜嘅用料不赖，满满嘅鲜虾粒、鱿鱼粒混晌饭中，每一啖都咁正。
日本时令水果用得上「日本时令」，当然亦喺啲高级货色，夕张密瓜、香印提子，绝对唔会叫客人失望，前者清甜好味，甜度更喺非常之高，而后者亦都出色，提子嘅香味特别清新，咬落同样好甜，又唔会有种涩味。
日本时令水果
6 浏览
0 赞好
0 留言
饭后甜点当然为一餐饭有个美好嘅结束啦，套餐就提供咗雪莓娘及红枣糕，前者就喺草莓大福，外层软绵绵，里面有解甜士多啤梨，但小弟就更钟意后者，因为红枣浓到不可开交，实在喺超浓郁，而糕身烟韧有咬口，却喺一啲都唔黏牙，正呀喂！
雪莓娘、红枣糕！
1 浏览
0 赞好
0 留言
张贴
