Wake Up

营业中

休息中

今日路经荷里活广场，行一转竟然开左好多新餐厅。 见到2楼呢间Wake Up门面就好吸引，就同朋友入去试下。 坐底店员都好好招呼，问佢地有咩推介，原来都有几多野好食。 好似焗猪扒饭跟秘制酱炒饭底，加$15仲有招牌wake up咖啡； 和牛Burger 有8层和牛芝士汉堡，有足8层材料，吉列茄子，白菌，洋葱，蕃茄，双层牛，芝士； 香蒜雪花蟹肉手工意粉； 同烧伊比利亚有骨黑毛猪鞍。 听佢咁介绍我对厚切猪鞍有兴趣啲，朋友就叫左个秘制烤无激素春鸡半只配鲜茄杂菜意粉。 套餐跟埋手工面包，汤同茶，好丰富。 无激素春鸡半只都几大，而且切开都好多件，好嫩滑，又够香。 而厚切猪鞍真系好厚，似系慢煮既质感，厚得黎好嫩口爽化，配埋特制苹果酱真系好正。 最后食埋佢地既椰子雪芭，超香椰子仲要好大件。 呢个雪芭真系不得了，必食。呢间餐厅真系好高质，下次要再黎食先。