順日本料理 (已結業)

呢间餐厅喺天后开左好多年，以牛舌闻名，试过想晚餐嚟买牛舌外卖，但店员话一早卖哂，一于午餐嚟堂食试吓系咪真系咁好食。听闻店主系日本人，餐厅装修都好有日本风味，一入门口就有L字形bar枱，傍边有几张二人枱，老公话入面转左仲有几张大枱。一场嚟到当然要叫最出名嘅厚烧牛舌饭啦，依家有个迷你牛舌饭定食都好吸引，3块牛舌，另外仲有沙拉，泡菜同泡芙。但最后同老公怕3块牛舌唔够share, 都系要5块嘅厚烧牛舌饭。另外仲叫左个寿喜烧定食。个厚烧牛舌真系劲厚！！外耐烧得好香，但咬开入面好淋，钟意食牛舌嘅人一定要嚟试吓！