影片
更多
2020-05-04
3395 浏览
最近出街食饭受影响 ，食日本刺身更加系属于高危，因为未经煮熟。 所以心思思想去买急冻刺身返屋企同女朋友二人世界 ，一嚟可以买啲有质素保证 ，唔怕食到大陆嘅假三文鱼货色 ，二来价钱仲可以平啲添 。今次嚟咗长沙湾工业大厦入面 ，一间装修得好骨子嘅食材舖头 ，佢哋平时星期日系唔开 ，但好彩 见系五一黄金周特别开放 ，仲要全部买嘢都可以升级做vip ，以后呢买嘢可以享有特别优惠 ，真系好多著数。 见到舖头除咗急冻嘅刺身之外，仲有冻肉 ，主要都系做外国高级嘅食材， 和牛、 安格斯𠮶啲 ，同埋佢有啲酱料杂货嘅卖 。今次就买咗一包挪威急冻三文鱼刺身同埋日本甜虾, 老板娘话只需要解冻半个钟左右就可以攞嚟食 .第二日就同女朋友试下, 果然𠮶个三文鱼嘅肥美同甘香同我喺平时日本餐厅食嘅冇得畀(我认系我穷，但都唔会食元X消委会话有虫架）,呢个质数同量出面可能要畀四五百蚊先食到 ,但呢度只需要130蚊就有，足足厚切咗十六块挪威三文鱼腩同20 只甜虾😍。 至于𠮶个安格斯prime肉眼就留待下次先食啦💛
张贴
